عنوان مقاله:

نویسندگان:

عدالت کریمی

شیعری نووسراوی کوردی هەر وەکوو شیعری هەموو میللەتان، لە سەرەتاوە بە شیعری کلاسیک دەستی پێ کردووە. ماوەیەکی دوورودرێژ، شۆڕەسواری ناو مەیدانی شیعر بووە و گەشتی خۆی کردووە. بەپێی سروشت و هەست و هۆشی شاعیر یان هەر وەکوو پەیڕەوی کردنی شیعری کلاسیکی گەلانی تر، هەروەها بەپێی پەیوەندیی بیروباوەڕ لە لایەک و نزیکایەتی زمان لە لایەکی دیکەوە؛ لێکچوونی بابەت و ناوەڕۆک لە بەرهەمی ئەدەبیی ئەم گەلانە دیار هاتووەتە ئاراوە. بەشێکی ئەو بەرهەمانە لەژێر کاریگەریی بووە و هەندێک شارەزا و ڕەوانبێژان توانیویانە بەرگ و پۆشتەیەکی کوردەواریی بە بەردا بکەن. ئەم کاریگەریی دانانە، لەناو خودی مێژووی ئەدەبی کوردیشدا هەیە. مێژووی ئەدەبی کوردی و ژانری شیعر لەسەر دەستی شاعیرانی پێشەنگ لەدایکبووە و گەشەی سەندووە و پەرەی پێ دراوە، کە نموونەی بەرزیان بابا تاهیری هەمەدانی، مەلا پەرێشان، مەلای جزیری، فەقێ تەیران، بێسارانی، خانای قوبادی، مەولەوی، نالی و دەیانی دیکە. ئەم شاعیرە داهێنەرانە چی لە ئاستی فۆرم و چی لە ئاستی ناوەڕۆکدا دەیان ئەزموونی جۆراوجۆری داهێنانیان بەرهەمهێنانەوە کە بوون بە قوتابخانەی فێربوون و سەرچاوەی ئیلهامی نووسین و داهێنان بۆ چەند نەوەیەک لە شاعیرانی دوای خۆیان. لەم وتارەدا کاریگەریی چەند شاعیری پێشەنگی کلاسیکی کوردیی لەسەر شیعری میرزا ئەحمەدی داواشی دەخەینە بەر باس. بەتایبەت خانای قوبادی و مەولەوی تاوگۆزی.

کلیل واژە: ئەحمەد داواشی، خۆشەویستی نیشتمان، سروشت ،خانانی قوبادی ،مەولەوی کورد

برای لینک‌دهی به این مقاله از آدرس زیر استفاده نمایید:

برای ارجاع در منابع از عبارت زیر استفاده کنید:
کریمی، عدالت، 1403، کاریگەریی شاعیرانی پێشەنگ لەسەر میرزا ئەحمەدی داواشی، همایش ملی میرزا احمد داواشی، https://conference.uok.ac.ir/fa/archive_index.php?c=HN-dawashi&aid=1517933